මගේ මරණය

මැරත්න් තියා මොක උනත් ඉතින් පටන් ගන්න ඕනේ කැමතිම මාතෘකාවෙන්නේ ඔන්න ඉතින් පටන් ගත්තා

මේ තියෙන්නේ මගේ ජීවිතේ මන් බීපු ඉස්තරම්ම අරක්කු ජාතිය. ආයි දෙකක් නැහැ මීට වඩා හොඳ අරක්කු එකක් නම් මන් හිතන්නේ ලංකාවේ නම් නැහැ. ගාන නම් ඉතින් දරන්න පුළුවන් එකක් නෙමෙයි ඒත් ඉතින් ජීවිතේට එක පාරක් හරි රස බලන්න ඕනේ ජාතියේ එකක් මේක.

මිල රුපියල් 2700.00 ඇල්කොහොල් 40% මිලි ලීටර් 700යි මේ තමයි මෙන්ඩිස් අවුරුදු 18ක් පරන අරක්කු එක.

මගේ මචං කාරයා ආයිත් පොඩි නිවාඩුවකට පහුගිය දොහේ ලංකාවට සැපත් උනා. ඉතින් එයාගේ නිවාඩුවෙන් උපරිම ඵල ප්‍රයෝජන ගන්න නම් හම්බ උනේ නැහැ මට නිවාඩු නැති නිසා. ඒත් හිටපු සති අන්ත දෙකම මුන ගැහෙන්න අපි අතපසු කලේ නම නැහැ.

වෙනද වගේම ඒකා මෙරටට සැපත් වෙනකොට තීරු බදු රහිතව රැගෙන ආපු, මන් මීට කලින් බීල තිබ්බේ නැති Absolut Tropics සහ Absolut Pears බෝතල් දෙකම ඉක්මනින් අවසන් උනේ අපිට තව බොන්න දවසක්ම ඉතුරු වෙලා තියෙද්දි.

ඉතින් මක් කරන්නද හැමදාම බොන ජාති පැත්තක දාල අපි දෙන්න හිතුවා අළුත් යමක් බොන්න ඕනේ කියලා. ඉතින් අපි දෙහිවල ආර්පිකෝ එකට ගිහින් ඇහුවා මෙන්ඩිස් ගැන. එහෙම අහලා දැනට විකුනන්න තියෙන ගනන්ම අරක්කු බෝතලෙන් ඉතුරුවෙලා තිබ්බ එකම බෝතලේ උස්සන් ගෙදර ආවා. ඇවිත් හරියට අළුතෙන් මනමාලියක් එක්ක ආවා වගේ හැමතැනම තිය තියා ෆොටෝ ගැහුවා ඒත් මන් ගහපු ෆොටෝ වලින් දෙකක් ඇරෙන්න අනික් සේරම ෆොටෝ ගහලා තියෙන්නේ බෝතලේ පිටිපස්සේ ලේබල් එකක්.(බෝතලේ දැකලම වෙරි). අපි දෙන්න බෝතලේ ෆොටො ගහනවා, වීඩියෝ කරනවා දැකලා අපේ අක්කා අහපි ඔය දෙන්නට පිස්සු හැදීගෙන එනවද කියලා. (පිස්සු නොහැදී තියෙයියෑ මේක දැක්කම). ඉතින් ඕක කඩලා අමුවෙන්ම ටිකක් බීලා බැලුවා. ෂා..... අමෘතේ වගේ (ඔය ඒ කාලේ අමෘතේ කියන්න ඇත්තේ පරන මත්පැන් ජාතියකට තමා ) ටිකක් සැරයි ඒත් මාර රසයි.  අමෘතේ උනත් බොනකොට පහසුවෙන් බොන්න ඕනේ නිසා අයිස් සහ ජින්ජ ඒල් දාගෙන තමා බිව්වේ ඊට පස්සේ. නියම බීම. ඕන් දවල් බාගයක් ඉවර කලා ඊට පස්සේ රෑ අනික් බාගෙත් ගහලා බෝතලේ (බෝතලේ කිව්වට අනික් බෝතල් වලට වඩා මිලි ලීටර 50ක් අඩුයි ඒත් සැර වැඩියි . අනික් අරක්කු ඇල්කොහොල් 33%-35% වගේ මේක 40% )ඉවර කලා අපි දෙන්නා එක්ක.

ඔන්න ඉතින් බීලා නිදා ගෙන පහුවදා නැගිට්ට කියමුකෝ මාර වැඩක්. කලින්දා බිව්වද කියලවත් නැහැ. මීට කලිනුත් අපි දෙන්නා ඔය වගේ එක එක ජාති දිවා රෑ පානය කරලා තියෙනවා ඒත් ඒ හැමදාම පහුවදා 10 විතර වෙනකම් කලින් දවසේ බීපුවා වැඩ කරනවා ඒත් මේක කොච්චර හොඳද කියන්වනම් බීපු වගක් වත් නැහැ.

මන් නම් හිතන්නේ මේක තමා ලංකාවේ තියෙන අපේ බීම ජාති වලින් හොඳම එක. ඉතින් කවද හරි රස බලන්න.

මන් මේ අරක්කු ගැන නොලියා ඉන්න කියලා හිටියේ ඒත් මාර වැඩක් වෙලා, මෙච්චර කාලයක් ගූගල් වල මට තිබ්බ පළවෙනි ස්ථානය අපේ කතන්දර කාරයා මගෙන් ඩැහැ ගෙන. මන් හිතන්නේ එයාගේ බ්ලොග් එකේ අරක්කු ගැන තියෙන එකම එක ලිපියයි. ඒකත් මට වඩා උඩට ගිහින් බලන්න අප්පා. මෙච්චර අරක්කු වලට සේවයක් කරන මන් දෙවෙනියට වැටිලා. ඔය Google Page Ranking  කියන එක ගැන මට එච්චර අවබෝධයක් නැහැ ඉතින් එයාලා කොහොම ඔය ලැයිස්තුව හදනවද මන්දන්නේ නැහැ.

ඒ මේ අස්සේ මන් මේ මූනූ පොතේ අරක්කු ගැන ලියපු එකකුත් ගූගල් වල ඒ ලැයිස්තුවෙම ඇවිල්ලා. මේවා දැක්කොත් නම් මට ඉතින් පාරේ බැහැලා යන්න වෙන එකක් නැහැ ගුටි නොකා. ඒ ලිපිය ගැන කියනකොට මතක් උනේ අපේ (අරක්කු) සංස්ථාවෙන් (DCSL) කාන්තාවන් ඉලක්ක කරලා අළුත් අරක්කු (අරක්කුම නෙමෙයි Liqueur එකක් කියලා කිව්වේ) වර්ගයක් හඳුන්වා දීලා නම නම් හරියටම මට පෙනුනේ නැහැ Narikela වගේ එකක් තියෙන්නේ (ඔය නිල් පාට බෝතලේ) මේක ටිකක් පැනි රසයි කිව්වා. ගාන නම් 875/= ක් වගේ මතක ඇල්කොහොල් නම් 23% තිබ්බා වගේ මතක. මට කෙනෙක් කිව්වා මේක Malibu (මන් දැනට බීලා තියෙන සවුත්තුම ජාති දෙකෙන් එකක්) වගේ කියල ඉතින් එතනින්ම මන් ඒක ට්‍රයි කිරීමේ ආසාව අත් ඇර ගත්තා.මොකද කොච්චර කිව්වත් අරක්කු නැත්නම් මද්‍යසාර කියන ඒවා ඕනවට වඩා පැණි රස උනාම බොන්න බැහැ වගේ.

මට ඉතින් නිකා ඉන්න බැරුවට DCSL ඒකේ කෙනෙක්ගෙන් අහලා බැලුවා ඇයි හොඳ වෙබ් අඩවියක් එයාලට නැත්තේ කියලා. කියපු විදිහට එහෙම අදහසක් වත් එයාලට නැහැ. අන්තර්ජාලෙන් බලලා මිනිස්සු අරක්කු බොයි කියලා එයාලා හිතන්නේ නැහැ. අනික ඒගොල්ලෝ බලාපොරොත්තු වෙන තරම් වෙළඳාමක් එයාලට නිකනුත් තියෙනවාලු. අනික එයාලගේ ඔය සියලු නිෂ්පාදන අතරින් වැඩියෙන්ම විකිනෙන්නේ ගල් කියලා තමා කිව්වේ. ඒක ඇහුවම මගේ හිතටත් ටිකක් හොඳයි මොකො බ්ලොග් වල ලියන එව්වා බලලා කවුරුත් අරක්කු පානයට යොමු වෙනවා කියන එක අරක්කු නිෂ්පාදනය කරන සමාගමක් වත් පිළිගන්නේ නැති කොට අනික් අය ගැන මොන කතාද නේ? 

ඔය DCSL  එකේම තියෙන Periceyl කියන සමාගමෙන් කරන කියන Black Opal අරක්කු ජාතියට මේ දවස්වල හොඳ ඉල්ලුමක් තියෙනවලු තරුණ පරපුර අතරේ. මේක අනික්වා තරම්ම සුවඳ(ගඳ කියල කියන්නේ) නැති නිසාත් පහුවදාට අමාරුව අඩු නිසාත් කියලා තමා කිව්වේ. මන් නම් තාම ට්‍රයි කලේ නැහැ බිව්වොත් ඒ ගැන කියන්නකෝ.

ඒත් ඉතින් මන් බලාපොරොත්තු වෙන බීම නම් අපේ අය කවදාවත් පුරුදු වෙන එකක් නැහැ. සාමාන්‍යයෙන් කට්ටිය නිකන් සෙට් වෙලා අද මොනාද බොන්නේ කියල අහල එවෙලේ ගිහින් බෝතලයක් ගෙනත් බොන එක කිව්වා මෙහෙ කරන්නේ. නැතුව හොඳ Recipe එකක් බලලා ඒකට හොඳ බයිට් එකක් එහෙම හදා ගෙන අරක්කු රසවිඳින එකක් ගැන කතාවක් වත් නැහැ.

මන් මේ නිකන් ජොලියට ලිව්වේ එහෙම නැතුව හැබෑටම කවුරුවත් එක්ක කිසිම තරඟයක් කිසිම දේකට මට නම් නැහැ. මන් කැමති කොහොමත් පහුවෙලා යන්න අපායට ගියත්.

අරක්කු
කිසිම සැලසුමක් නැහැ හදිස්සියෙම වගේ කට්ටිය එකතු වෙනවා. ඔන්න ඉතින් එක්කෙනා රුපියල් සීය දෙසීය දාල අමාරුවෙන් රුපියල් හත්සීයක් විතර එකතු කරලා ගේනවා අරක්කු බෝතලයක්. ඕක බොන්න යන්තමට ඇති වෙන්න සෝඩයි හපන්න ලාබෙට මොනා හරිත් අරන් ඇවිත් ඉන්න ගානෙන් බාගයකට ඇති වෙන්න කෝප්පත් හොයා ගන්නව ඉතින් එකම කෝප්පේ (ගොඩක් වෙලාවට ප්ලාස්ටික් ) මාරු කරකර බෝතලේට වග කියනවා. කෝප්පෙට ටිකක් දාලා යන්තම් සෝඩා දාලා බොන්නේ එක උගුරට. ඔය අතරේ යන කතා බහ හරිම විනෝදයි. කතා බහ සරලයි අනිකා මොනා හිතුවත් ඔහේ කියලා දානවා. අරක්කු බොන කොට නම් වින්දනේ උපරිමයි හපන එකෙන් අතේ ගෑවෙන ඒවා පිහදාන්නෙත් කඩදාසියක...

විස්කි
ඔන්න ඉතින් වෙනම සැලසුමක් හදලා කට්ටියට ආරාධනා කරනවා. පිරිසිදු වීදුරු කෝප්ප අයිස්, සෝඩා හපන්න සොසේජස්, ඩෙවල්, ඔම්ලට්. පිඟන් වලට දාලා ගන්නේ ගෑරුප්පුවෙන්.වැරදිලාවත් වීදුරුවක් එහෙම මාරු වෙන්න දෙන්නේ නැහැ. වීදුරුවට ටිකක් දාලා ඒ වගේ දෙගුනයක් සෝඩා දාලා අයිස් පුරෝලා බොන්නේ උගුර උගුර. කතා බහ බරපතලයි අනික් කෙන මොනා හිතයිද දන්නේ නැහැ කියලා කියන දේවල් කියන්නේ හරිම පරිස්සමින් (අරක්කු බීලා ගහගන්නත් විස්කි බීලා සාමෙන් ඉන්නෙත් මේ නිසා වෙන්න ඇති ). ඉඳුල් ටිකක් හරි අතේ ගෑවුනොත් පේපර් සවියට් එකකින් තමා පිහ දාන්නේ. ඇත්තටම මේලෝ රහක් නැහැ .....

මොන වින්දනයක් නැතත් විස්කියි අරක්කුයි එකට තියලා බොන්නේ මොනාද කියලා ඇහුවම නිතර බොන්න නොලැබෙන නිසා තියෙන පෙරේතකමට මාත් තෝර ගන්නේ ඉතින් විස්කි කියන එක තමා

මන් හිතන්නේ පළවෙනි වතාවට මන් පොත් ප්‍රදර්ශනේට නොගිහින් හිටියා.
ගන්න පොත් 4ක් 5ක් හිතේ තිබ්බ ඒත් ගනන් ගැන හොයලා බැළුවම නොගිහින් ඉන්න එක හොඳයි කියලා හිතුනා පොත් වල ගනනුත් අරක්කු වල ගනන් වගේ හැමදාම වැඩි වෙනවද කොහෙද???

කවුරු හරි ලිබර්ටි සිනමාහලේ තියෙන Love Aaj Kal ෆිල්ම් එක බැලුවද?
කොහොමද හොඳයිද?

අංක දාසය

හැන්දෑවට බාර් එකක් ගාවින් යනකොට අපේ රටේ මිනිස්සු බොන හැටි බලා ගන්න පුළුවන්. කාලෙ බෝතලයක් අරන් ගිහින් පෝලිමේ ඉඳන් බාර් එකෙන් එකට අරක්කු පුරෝ ගන්නවා, ඊට පස්සේ ඇවිත් කළුවර තැනකට වෙල ඒක කටේ හලාගෙන මූනත් ඇඹුල් කරගෙන කෙල ගහලා යන්වා යන්න වෙන කෙනෙකුට හිස් බෝතලේ දීලා

මමනම් බීම කියන්නේ ඕකට නෙමෙයි. ඔය මත්පැන් හැම එකකටම රසක් තියෙන්වා ඒක නිදහසේ විඳ විඳ බොන එකට තමා මන් කැමති. විවිධ මත්පැන් වලට විවිධ ජාති මිශකරලා එවායේ රසය වෙනස් කරලා තමයි වෙන රටවල නම් මිනිස්සු මත්පැන් බොන්නේ

අරක්කු වලට නැති උනාට වෙනත් ජාති වලටනම් Cocktail recipes තියෙන්වා. ඒවාට මිනිස්සු විවිධ නම් පවා භාවිතා කරනවා. අපේ රටේ අය තාම අමුවෙන් ගල් ගහනවා

අංක එකොලහ
එක එක ජාතියේ අරක්කු වලට මාරු වෙලා අන්තීමට මම නැවතුනේ මෙන්න මේ ජාතියෙන්
මේක හරිම ටොප් බීමක්.

ඉස්සෙල්ලම බීපු අරක්කු ජාතියේ නම නම් මට මතක නැහැ ඒත් මතකයේ තියෙන මුල්ම ජාතිය තමා මේක. සංස්ථා White Label. මෙක තොරාගන්න හේතු උනේ මේක අනික් එවා තරම් ගඳ නොවීම. මොකො ඒකාලෙ මම උපෙ ට ක්ලාස් යන්වනේ ඉතින් ගඳත් ප්‍රශ්නයක්.

කාලයක්ම මන් බිව්වේ Old Reserve ඒත ඒකෙ ගානනම් දැන් ඔරොත්තු දෙන්නේ නැහැ (850/= +) ඊට පස්සේ V.S.O.A. Double Distilled නුත් කාලයක් බිව්වා ඒත් දැන් මේක.

වැඩිපුර දැනගන්න මේකත් බලන්න

අන්තිම වතාවට ගන්නකොටනම් ගාන රුපියල් 640/= දැන්නම් කොහොමද දන්නේ නැහැ

අංක නමය
ඉතින් කොහෙන් ගියත් කැරකිලා එන්නේ මගේ ප්‍රියතම මාතෘකාවට. මතක් කලත් කටට කෙල ඉනුවට අරක්කු කියන්නේ මල ජරා බීමක්. ගඳස්කාරේ බැහැ ඒ මදිවට පුදුම තිත්තක් තියෙන්නේ. බීපුවහම බඩ පපුව පිච්චිලා යන්වා

ඉතින් ඔච්චර සවුත්තු බීමක් මොකට බොනවද මන්දා නේද. අරක්කු විතරක් නිකන් බිවුවම වෙනදේ ගැන මම කිව්වේ. කවුද එහෙම බොන්නේ. අපි අරක්කු බොන්නේ සෝඩා හරි කොකාකෝලා හරි දාලා ඒකට තව අයිස් කැටයක් දෙකක් දාලා හොඳට මිශ්‍ර කරලා පොඩි උගුරක් බීලා කට ගැස්ම ටිකක් කන්වා. ඔන්න ඔහොමයි අපි බොන්නේ එතකොට ඔය තිත්ත ගතිය, සැර අඩුවෙල මිහිරි රසක් එනවා. තේ, කෝපි උනත් සීනි නොදා නිකන් බොන්න බැහැනේ. ඒ වගේ තමා අරක්කුත් එහෙමයි.

මම නම් කාටවත් බොන්න කියලා කියන්නේ නැහැ මොකෝ එකෙක් හරි වැඩි උනාම අපිට බොන්න තියෙන ප්‍රමානෙ අඩු වෙනවා ඒක නිසා.හැබැයිබොන අයට නොබොන්න කියන්නේත් නැහැ.

මද පමණට ගත්තම ෂෝක්

අංක හතර
කොහොම නොලිය ඉන්නද මේ ගැන. මම සින්ඩියෙනුත් ඉවත් වෙලා ඉන්නේ මම ලියන ලිපි හැම එකකම වගේ මේ ගැන සටහන් වෙන නිසා. මොකෝ ඉතින් එකට 18ට අඩු අයත් එනවනේ.

අපේ රටේ මිනිස්සු හිතාගෙන ඉන්නේ රූපවාහිනියේ යන බොන දර්ශනයක් දැක්කම, පත්තරේ දැන්වීමක් දැක්කම එහෙමත් නැත්නම් අන්තර්ජාලෙ ලිපියක් දැක්කම අපේ ඊලඟ පරම්පරාව බීමට ඇබ්බැහි වෙනවා කියලා. මම නම් මේක කීයටවත් පිළිගන්නේ නැහැ. මම ඇබ්බැහි වෙලා නැතත බොන්න පුරුදු උනේ ඔය එකක්වත් නිසා නම් නෙමෙයි. ඒකට හේතුව මේකයි කියන්න බැහැ.

කොහොම උනත් මත් පැන් ගැන ලිපි දෙක තුනක්වත් තරඟය අතරතුර ඉදිරිපත් වේවි

ඉතින් ඔන්න අපේ මහ ආණ්ඩුවෙන් වෙනදා විදිහටම උදාවන අළුත් අවුරුද්ද වෙනුවෙන් 13,14 සියළුම බාර් වහනව. අද ඉතින් හෙන දිග පෝලිමක් තියෙයි හැම බාර් එකක් ගාවම.

මම නම් කියන්නේ ඔය බාර් වහන වැඩේ කිසිම තේරුමක් නැහැ. මේ විදිහට බාර් වහන එකෙන් වැඩිම වාසියක් වෙන්නේ බාර් කාරයන්ටම තමා. මොකෝ හෙටයි අනිද්දයි උන් බෝතල් විකුනන්නේ වෙනදා විකුනන ගාන වගේ දෙගුණයකට. අනික බොන්න ඕනේ අය අද අරගෙන දවස් දෙකටම හරියන්න බඩු ගෙනිහින් තියාගන්නවා. බැරි උන අය කීය දීල හැරි හෙට අනිද්දට තමන්ට ඕනෙ කරන ඒව හොයාගන්නවා.

අන්තිමේ කෙලෙවෙන්නේ පාරිභෝගික අපිටම තමා. අනික ඉතින් අවුරුදු කියලා විසේසයෙන් බොන්න ඕනේයෑ ඔය තියෙන වෙලාවක හිමීට බොන්න බැරියෑ.

ඒ අතින් නම් සිංහල මිනිස්සු හරි මෝඩයි අවුරුදු කියලා අතේ තියෙන සල්ලි ටික සේරම දවස් දෙකට වියදම් කරලා මාසෙ ඉතුරු ටික වේලෙනවා

ඉතින් හැමෝටම සුභ අළුත් අවුරුද්දක්!!!!!

මෙන්න ආයි පාරක් ජාතික පානයේ ගනන් වැඩි කරලා. අරක්කු ලීටරයක් රුපියල් 50 කින් සහ සිගරට් එකක් රුපියල් දෙකකින්. ලීටරයක් පනහකින් කියන්නේ ඉතින් අනිවාර්යෙන්ම බෝතලේත් 50කින් වත් නගී. වෙනදට සිගරට් වැඩි කරන්නේ සත 50කින් මේ පාර රුපියල් දෙකින්ම ගිහින් ඒ කියන්නෙ දැන් ගෝල්ඩ් ලීෆ් එකක් 18ක් වෙනවා. අනේ මන්දා කාට කියන්නද කියලා අපේක්ෂිත ආදායම රුපියල් බිලියන දෙකක්. බලන්නකො බොන අය රටට දෙන සල්ලි ගොඩ. දැන් කියයි ඉතින් ඔය සල්ලිවලින් වැඩි හරියක් යන්නේ බොන අයගේ ලෙඩවලට කියලා. මේ දවස්වල ඉස්පිරිතාලවල බේබද්දන්ට තියා ඔය රණවිරුවන්ට ඕනේ කරන බෙහෙතක්වත් නැහැ කියලා හැමෝම දන්නවනේ ඉතින් මේ සල්ලි සේරම තියා සතයක්වත් ආපහු බේබද්දන්ගේ සුබ සිද්ධියට වැයවෙන්නේ නැහැ. මිනිස්සු බොන එක අඩු කලොත් ඔයතරම් ආදායමක් ගන්න ලැබෙන්නේ නැහැ. ඉතින් රට වෙනුවෙන් නිසා අපිට නොබී ඉන්නත් බැහැ.

මන් දන්න විදිහට ලංකාවේ ජනප්‍රියම අරක්කු ජාතිය මේක. මිලත් අනික් එවාට සාපේක්ෂව අඩුයි. ගොඩක් දෙනෙකුට මොනා තිබ්බත් මේක නැත්තනම් වැඩක් නැහැ. මන් හිතන්නේ ලංකාවේ වැඩියෙන්ම විකිනෙන අරක්කු ජාතියත් මේක වෙන්න ඕනේ.

මම නම් දන්නේ නැහැ මේක ගල් බෝතලේ උනේ කොහොමද කියලා. සංස්ථා අති විශේෂ උනාට හැමෝම මේකට කියන්නේ ගල් බෝතලේ කියලා.

ගල් අරක්කු, මම නම් වැඩිය බොන්න කැමති නැහැ මොකද ඒ තරමටම මේක සුවඳයි හැබැයි මොකුත් නැත්නම් නොබී ඉන්නෙත් නැහැ.

පහුගිය කාලෙ මියගිය ප්‍රසිද්ධ දේශපාලකතුමෙක් රඹුටන් බයිට් එකත් එක්ක මේකම පාවිච්චි කාලා කියල කතාවක් මන් අහලා තියෙනවා. ඇත්තද නම් දන්නේ නැහැ. සිංගප්පූරුවෙ ගල් බෝතලයක් රුපියල් 5000ක් විතර වෙන කතාවක් චැට් එකකදි හම්බ උන කෙනෙක් දවසක් කිව්වා. ඒ කතාවත් ඇත්තද කියලනම් මන් දන්නේ නැහැ. කොහොම උනත් ඔය පිටරට ගිය අයත් මෙහෙ ඉන්න යමක් කමක් තියෙන අයත් අතර ගල් වලට ප්‍රියකරන අය සොයා ගන්න එකනම් එච්චර අමාරු දෙයක් නෙමෙයි.

වැඩි විස්තර මේතනින් බලන්න. දැන් ගල් බෝතලයක් රුපියල් 545.00 වෙනවා (හිස් බෝතලේට රුපියල් 25.00)

ඉන්නගමන් මේකත් බලන්න

කාලෙන් කාලෙට මගේ විනෝදාංශ වෙනස් වෙනවා වගේ කාලෙන් කාලෙට මන් බොන ජාතියත් වෙනස් වෙනවා. ඉස්සරම බිව්වේ බ්‍රැන්ඩි ඊට පස්සෙ වොඩ්කා. ආයිත් කාලයක් තිබ්බ වී එස් ඕ විතරයි. ලෙමන් ජින් එක්ක ස්ප්‍රයිට් දාල බොන්නත් එක කාලෙක පෙරේතකමක් තිබ්බ. මේ දවස් වල මගේ අලුත්ම ජාතික පානය රොක්ලන්ඩ් රෙඩ් රම් එක්ක කොකා කෝලා. ඒක නම් නියම බීමක්. මීට කලින් තිබ්බේ සංස්ථා ඕල්ඩ්.

පහුගිය දවසක රෙඩ් රම් ගන්නව දැකපු අඳුරන අන්කල් කෙනෙක් කිව්වා රෙඩ් රම් බොන්න එපා ඒකේ ගොඩක් සීනි වෙන මොනා හරි බොන්න කියලා. අපි පොඩි කාලේ ලොකු අයවගේ හිටපු අය දැන් අපි බොනවා දැකලා පුදුම වෙනවා මේ ඒ කලෙ හිටපු හුජ්ජ කොල්ලො දැන් අඩිත් ගහන්වා කියලා. හැබැයි අපරාදේ කියන්න බැහැ සෞඛ්‍ය උපදෙසුත් නොමිලේම දෙනවා

හැබැයි මට මේ රෙඩ් රම් වල රස ගැන කිව්වේත් වයසක අන්කල් කෙනෙක්ම තමයි . අනික් අය වැඩිය බොන්නේ නැති ජාතියක් බොන එකේ පොඩි වාසියක් තියෙනවා ඒ තමයි මදි පාඩුවක් වෙන්නේ නැතුව තනියම සේරම බොන්න පුළුවන් වෙන එක

මටනම් මේ මොනවා බිව්වත් වෙරිනම් වෙනවා. පොඩි වෙනස් කමකට තියෙන්නේ බිව්වම එන ගඳයි පහුවදාට හැදෙන ඔළුවෙ කැක්කුමෙයි විතරයි.

උපතින් බෞද්ධ නිසා මන් බෞද්ධයෙක් ඒ ඇරෙන්න විශේෂ ආගමික ලැදියාවක් නම් මට නැහැ. බාරදීපු දවසට පමනක් සීමා වෙච්ච මගේ දහම් පාසැල් ගමනෙනුත් මගේ ආගමික නැඹුරුවට එච්චරම උපකාරයක් උනේ නැහැ. හැබැයි මන් ඔය හතර පෝයට සිල්ගන්න අයට වඩා නම් හොඳ බෞද්ධයා කියල නම් මන් දන්නවා.
නත්තල් උත්සවයේ පරමාර්ථනම් මන් දන්නේ නැහැ හැබැයි මන් කැමතිම ආගමික් උත්සවය නත්තල මොකද ඒකට විතරයි බාර් වහන්නේ නැත්තෙ. අපෙ හැම එකටම බාර් වහල වැඩිගානට විකුනන එකනේ කරන්නේ. පොයටයි අවුරුද්දටයි හැම එකටම බාර් ටික වහගන්නවා ඊට පස්සෙ ඒ වහපු බාර් එකෙන්ම වැඩිගානට විකුනනවා. මේ පාරා නත්තලට බොන්න එපා කියල හැමතැනම පෝස්ටර් ගහල තියෙන්වා මන් දැක්ක ඒත් ඕවායින් වැඩක් වෙයිද නම් මන් දන්නේ නැහැ.මන් නම් දත කට මැදගෙන ඉන්නෙ 24,25,26 හොඳට සෙට් වෙන්න ( හරියයිද නම් දන්නේ නැහැ ).
එහෙනම් චියර්ර්ර්ර්ස්ස්ස්ස්!!!!

මේකනම් මගේ කවියක් නෙමෙයි . ඒත් ඒක කියෙවුවම මට කොපි නොකර ඉන්න බැරි උනා ඒක ඒ තරමටම රසවත් නිසා

සුරාවේ අගයත්
එහිඇති මනා රසයත්
බොන සුදනෝ මිසක්
නොබොන අණුවන දනෝ නොදනිත්..

මට මේක හම්බ උනේ මෙතනින

මේය තමා මේක එතනට දාල තිබ්බේ

මේ තියෙන්නේ ලියපු කෙනාගෙ බ්ලොග් අඩවි.
අඩිය
අන්‌දරේ‍ගෙ......... ‍කෙරුම්

මේ කවිය කාගේද කියලානම් දන්නේ නැහැ. කාගේ උනත් මොකද රසවත් කවියක් නේ අපි මේක රසවිඳිමු

මගේ ජීවිතේදි කියවපු හොඳම කවිය මේ කවිය. මේකටනම් තෑග්ගක් දෙන්න වටිනවා

මේ කවිය තවත් තැන්වල තිබිලා තියේන්වා. මේ ඒව ගැන. හරේෂ් ට ස්තුති ඒ ගැන කිවුවට
මේ තවත් තැනක්
මේ එයගෙ ඡායා රූප එකතුව
තව වැඩි විස්තර අදහස් වල තියෙනවා

කමක් නැහැ කමක් නැහැ කාගේ උනත්. මන් මේක ගත්තේ මහේෂ් දාපු පිළිතුරකින් නිසා මහේෂ් ට ස්තුති.

පහුගිය දවසක බෝතලයක් ගන්න ආර්පිකෝ එකට ගියවෙලාවෙ (ඉස්සරනම් ආර්පිකෝ යන්නේ රබර් මොනාහරි ගන්න ඕනේ උනාම දැන් ආර්පිකෝ එකේ නැති දෙයක් නැහැ. ෆුඩ් සිටියේත් බෝතල් තිබ්බට එකෙන් ගත්තම බෝතලේ කවරෙක දාල දෙන්නේ නැහැ එක නිසා ආර්පිකෝ එකෙන්ම තමා ගන්නේ . ආර්පිකෝ එකේ බෑග් එකක දාල ගානට කවර් කරලා දෙනවා ) බාරි එකේ ෆ්රිජ් එකේ නරක් වෙච්ච පළතුරු වල හොඳ කොටස් ටික කපලා ලස්සනට ඇසුරුම් කරලා තිබ්බ. බාර් එකේ සේවක මහත්තය කිවුවා පළතුරු බයිට් එකකුත් අරගන්න කියල. සාමාන්යයෙන් පැලතුරු විකුනනේ වෙනම තැනක දැන් එක බාර් එකටත් ඇවිල්ලා. ඉස්සර කෑම කාල අතුරු පසට කාපු පළතුරු දැන් අය කන්නේ බයිට් එකට. එකත් හොඳයි.

මම මේ අරක්කු ප්රචාරනය කරනවා එහෙම නෙමෙයි වැඩිපුර ලියවෙන්නේ හුඟක් සමීප දේවල් ගැන නේ. මොනාකරන්නද බොනදේවල් වැඩිපුර සමීප උනාට

දවස ගානෙම බඩු මිල ඉහල යනවා ඒක අපි වගෙ පොඩි මිනිස්සුන්ට පුදුම විදිහට බල පන්නේ. පහුගිය දවසක මට ගිය වියදම් ටිකක් මේ
සංස්ථා ඔල්ඩ් අරක්කු බෝතලයයි	:	640/= ( ඉස්සර 605/= )
ගෝල්ඩ් ලීෆ් සිගරට් පැකට් එකයි	:	192/= ( ඉස්සර 180/= )
අලියා සෝඩා පොඩි බෝතලයයි	:	55/=
පොඩි කොකා කොලා එකයි	:	65/=
රටකජු ග්රෑම් 100	:	30/=
කඩල ග්රෑම් 100	:	30/=
බුලත් විටයි	:	10/= (බිවුවට පස්සෙ එන ගඳ අඩු වෙන්න )
ඔක්කොම	:	1022/=
ඔන්න තුන් දෙනෙකුට යන්තම කාල බීල ඉන්න යන ගාන. මේක මේ ගෙදරක කරනවනම් නැත්නම් තව වැඩී
ඉතින් කොහොමද අපි වගේ පොඩි මිනිස්සු කාල බීල ඉන්නේ

පහුගිය දවසක අපි කට්ටිය නුවර එළියේ ගියා. නුවර එළියේ ගිහින් ඉතින් කරන්න දේවල් නැහැනේ ගිය වෙලාවේ ඉඳන් බොන එක ඇරෙන්න. බීම දැක්කම නෙමෙයි ඒත් තිබ්බ බයිට් එක දක්කම අපේ යාළුවෙක් ලියපු බ්ලොග් එකක් මතක් උනා. බලපු නැති අය මෙතනින් ගිහින් බලන්නකෝ. බොන්න තිබ්බේ ලෙමන් ජින් සහ ඇපල් සෝඩා. බයිට් එකට ඇපල් අච්චරු. හීනියට කපපු කොලපාට ඇපල් ගෙඩියකට ලුනු කුඩුයි ගම්මිරිස් කුඩුයි දාන විතරයි ඕනේ. පුදුම රසක් තියෙන්නේ. බයිට් එක හොඳ නිසාම හොඳට බොන්නත් පුළුවන්. නිකන් ඉන්න වෙලාවක ට්‍රයි එකක් දාල බලන්න මොකද හදාගන්න රුපියල් 30යිනේ යන්නේ එපා නම් විසිකලත් වැඩිය පාඩුවක් නැහැ. මන් හිතන්නේ ජින් ලෝකෙ හැම තැනම තියෙන්වා ඇපල් සෝඩා නැතත් ඇපල් ජූස් තියෙනවනේ ඒක නිස ඔය කොයි රටේ හිටියත් මේක ට්‍රයි කරල බලන්න බැරිකමක් නැති වෙයි.

ආයිත් අරක්කු ගනන් වැඩිවේලා. මෙහෙම ගියොත් අපි කොහොමද හිතේ හැටියට බොන්නේ. රටේම ඉන්න මිනිස්සු බේබ්ද්දන්ට හෝ ගාලා බනිනව ඒ වුනට බේබද්දෝ තරම් රටේ ආර්ථිකයට තමන් හම්බ කරන සල්ලි වලින් දායකත්වය සපයන පිරිසක් තවත් මේ ලංකාවෙනම් නැතුව ඇති. මොකද ඔය සල්ලි හම්බ කරන වැඩි දෙනෙක් හරියට ආදයම් බදු ගෙවන්නේ නැහැනේ.සාමාන්ය මිනිස්සු සල්ලි හෙව්වට ආණ්ඩුවට සල්ලි දෙන්නේ නැහැ එයලා පාවිච්චිකරන ගොඩක් දේවල් වලට ආණ්ඩුවෙන් බදු සහනත් දෙනව. ඒ උනට බේබද්දො අරක්කු බිව්වත් වැඩි කොටසක් ආණ්ඩුවේ බදු. සිගරට් එකක් බිව්වත් එහෙමයි. මෙච්චර දෙයක් කරන බේබද්දන්ට රටේ මිනිස්සු සලකන විදිහනම් හරිම වැරදියි

ආයි නම් මන් මගේ ජීවිතේට අරක්කු බාග නම් ගන්නේ නැහැ. මොකද ඔය බාගෙ බොන්න තව බාගයක් ඕනෙමයි එක හොයන එක මල වදයක් . ජාති දෙකකින් කලවම් කරන්නත් බැහැ. අනික් බාගේ හොයන්න ගියාම අරක්කු එපා වෙනවා. ගම්පහ තියෙන බාර් වලින් වැඩි හරියක සංස්ථා අරක්කු නැහැ. තියෙන්නේ මෙන්ඩිස් විතරයි ඉතින් බාගයක් හොයන එක මල ඇණයක්. බොනකොට උඹල මෙන්ඩිස් බීපන් අපි සංස්ථා බොනව කියන්නත් බැහැනේ.

අර එදා අරාකු බෝතල් එක හමාරෙන් ඉතුරු උන බාගෙ තම සීට් එක යට
මාත් එක්ක හැමදාම වැඩට යනව එනව. නිදහසේ බොන්න විදිහක් තාම ලැබුනෙ නැහැ. කොහෙද මේ අපේ උන් එක්ක බොන්න ගියාම එපා වෙනව. සමහරු ගල් බොන්නෙ නැහැ ( මමත් අතුළුව ) සමහරු සංස්ථා ඔල්ඩ් එක බොන්නෙ නැහැ. ඉතින් හැමෝටම ගැලපෙන ජාති හොයන්න ගියාම බොන්න වෙලාවක් නැහැ.

අපේ රටේ කඩා වැටුනු ජාතිය ගොඩ නගන්න ඇමති වරු ගොඩක් ඉන්න්නව ඉන් එක්කෙනෙක් පහුගිය දවසක ජාතිය පැත්තකට දාල තමන්ගෙ වත්කම් ගොඩනගපු නිස අල්ලස් දූෂණ විමර්ෂණ ඒකකයෙන් එක්කන් ගිහින් තිබුන. ඒ උත්තමයට පහුවදාම නයෙක් ගහල. මේ රටේ වැරදි කරන ඇමති වරුන්ට දඬුවම් දෙන එක දෙයිය්න්ට බාර කරලනෙ තියෙන්නෙ. නයෙක් හරි ඒක කලානම් වටිනව. නැතුව නීතියෙන් දඬුවම් කරනව නම් බොරු.

දවස් ගානක් මගෙ බයිසිකලේ සීට් එක යට දුක් වින්ඳ අරක්කු බොතල් එක හමාරෙන් එකක් නම් යන්තම් ඊයෙ ඉවර කලා. තව භායක් සීට් එක යට.මාත් එක්ක එහෙ මෙහෙ යන්ව.