මගේ මරණය

ඔබ මෙක කියවනවද??
එහෙනම් මරණය හමු වේවි කවද හරි.
එසේනම් මැරෙනකම් ජීවත් වෙන මා සමග රැඳෙන්න.
මරණය හමුවෙන තුරා!!!

නැති රටට ගිහින් නැති දේ ගේන්න කියල කිව්වොත් ඒ මොන මල විකාරයක්ද කියලා තමා එක පාරටම හිතෙන්නේ ඒත් ඒක ඒත් ඒක ලස්සන වසීලිස්සා පොතේ නීල කොබෙයියා කතාවේ අන්ද්රේ (අන්දරේ නෙමෙයි) ට දුෂ්ඨ රජා පවරපු රාජකාරියක්. 

ලස්සන වසීලිස්සා, රුසියානු සුරංගනා කතා පොතක්. මන් ඒක ගත්තේ මන් මට මතක හැටියට 1990 දි විතර ඒ කාලේ හොර ලෙඩ අරන් ඉස්කොලේ යන්නේ නැතුව ඉන්න හැමදාම වගේ ඔය පොත කියවන එක තමා කරන්නේ. කී සැරයක් කියවලා තියෙනවද දන්නේ නැහැ. ඊයේ පෙරේදා ආයි කියෙව්වා. ඒත හරිම ආසයි කියවන්න.

මේ පොතේ සේරම වගේ කතාවල එකම චරිත ටිකක් වගේ ඉන්නේ ඉවාන්, නපුරු රජවරු, දුප්පතා, පෝසතා, බාබායිගා යකින්න, කතා කරන සත්තු, මේ වගේ නොයෙක් විදිහේ මේ ලොකේ නැති ඒවා තමා තියෙන්නේ. වෙන සිදුවීම්නුත් ඒවගේ කවදාවත් වෙන්න පුළුවන් දේවල් නෙමෙයි. හැබැයි හැම කතාවකම තියෙන්නේ හොඳ අවසානයක්. දුෂ්ඨයා පරදිනවා වීරයා දිනනවා.

සුරංගනා කතා කියන්නේ නොවෙන සිදුවීම් උනත් ඒවා කියවන්න හරිම ආස හිතෙනවා. අපේ රටේ මිනිස්සු දේසපාලුවෝ කියන කතා වලටත් මෙච්චර කැමති ඒ නිසාද දන්නේ නැහැ. කවදාවත් කලේ නැතත් කියන ඒවාට ආසා නිසා කට ඇරගෙන ඒවා අහන් ඉන්නවද කොහෙද

මන් ගාව තියෙන්නේ රුසියානු රාදුගා ප්‍රකාශකයන්ගේ එකක් ඝන කවරය තියෙන. ලස්සන පිතූරත් තියෙනවා. මන් මේ ලඟදි මේ පොත් තියෙනවද බැලුවා පොත් කඩවල. ඒත් දැන් තියෙන එක එච්චර හොඳ මුද්‍රණයක් නෙමෙයි.

පොතේ එක කතාවක් මෙතන තියෙනවා.

48 අදහස්:

මම ගාවත් ඔය පොත තියෙනවා. පොඩි කාලෙ හරි ආසාවෙන් කියවපු පොතක්. මම ගාවත් තියෙන්නෙ ඔය ඝන කවරෙ තියෙන පොත තමයි. ඒක දැං කොහෙද දන්නෙත් නෑ.

අපොයි, තියෙන තැනකින් හොයලා පරිස්සමින් අරන් තියන්න වටිනවා. මොකො දැන් කඩේ තියෙන පොත් ඔය පොත අහලකින් තියන්න බැහැ

මම නං ඔය නම ඇහුවෙත් අදයි..

අපොයි දෙයියනේ. හැබෑට උඹ පොත් කියවලම නැද්ද?

මං ගාවත් තිබ්බ. හොයල බලල ආපහු කියවන්න ගත්ත. මම හරි ආස අර යකින්නියන්ට තමා. ඒගොල්ලො ඉන්න ගෙවල් තියෙන්නෙ කුරුල්ලොන්ගේ කකුල් උඩ. ඒව වටේට කැරකිලා නතර වෙනව. ලස්සන් කුමාරියො ඉන්නව, කුමාරයෝ එයාලව කසාද බඳනවා, අනේ ෂෝක්.

"දැන් වයසත් හරියාගෙන එනව නේද ?" අම්ම අහනව.

"පොඩ්ඩක් ඉන්න අම්මෙ ඉවසල. තාම මම වසිලිස්සව හොයනව"

මම කිව්ව.

මේව සෝවියට් දේශය තිබුනු කාලෙ ප්‍රකාශයට පත් කරපු අපූරු පොත්. දැන් ඒ මුල් පොත් හොයාගන්න නෑ. ඒත් ඒවට තිබෙන ඉල්ලුම නිසාම නැවත මුද්‍රණය කරල තිබෙනවා. මගේ ලඟත් මේ පොත් කිහිපයක් තිබුනත් ලස්සන වසීලිස්සා පොත නැහැ.

මම මේ පොත ඕන තරම් පොත් ප්‍රදර්ශනවලයි පොත් කඩවලයි දැකල තියෙනව. ඒ වුණාට දැන් මගේ කියවීම කොයි තරම් දියුණු වෙලාද කිව්වොත් මාස පහක් තිස්සේ තවම මම මහාමාරිය කියවන තත්ත්වයක් උදා වෙලා තියෙන නිසා දැන් පොත් දිහා බැලෙනව අඩුයි. අනික දැන් මම පොත් ගන්නෙ නෑ. වෙන අයව පොත් ගන්න උනන්දු කරවනව :P

ඔය පොත කොච්චර පරණද මන්දා...මගේ පොඩිකාලෙත් ඕක කියෙව්වා..මගෙ ලමයින්ට අරන් දෙන්න බැලුවා...ම්හ්...තියෙන්නේ අර ගනකම කවරය තියන පොත නෙවේ... නමුත් මා ගාව වේයෝ කාපු "අවුසද හාමී" & "නිල් කබා කාරයා සහ මායාකාර රජ" පොත් දෙකනම් තියාගෙන ඉන්නවා... හැබැයි දැන් ඒ වෙනුවට චීන පොතපත තියෙනවා....

mage gaawa thibba kathandara poth tika okkoma mage nangi kenek matath nokiya aragena gihilla. me pothath ekata athulath. :( duka thama Ranjani

අයියෝ.. මං ගාවත් ඔය පොත තිබුණා. :( (මම ඊයේ මේ ලිපිය කියෙව්වට පස්සේ, පොත හොයන්න ගත්තා පොත් රාක්කේ තියේද කියලා. ඔහේ නැහැ, ඒක මම පංසලේ පුස්තකාලෙට පොත් පරිත්‍යාග කරද්දි දීලා.)

මම ලස්සන වසීලිස්සා පොත කියෙව්වෙ අම්මගෙ යාලුවෙකුගෙ ගෙදර ගිය දවසක.ආපහු ගෙදර එන්න ලෑස්ති වෙද්දිත් පොතෙන් බාගයයි කියවල තිබ්බෙ.පොත අම්මගෙ යාලුවගෙ දුවගෙ.එයත් පොතට ගොඩක් ආස නිසාත්,මගෙන් පොත ආයෙ ලැබේවිද sure නැති නිසාත් මට ඒක ගෙදර ගේන්න දුන්නෙ නෑ.ආයෙ එහෙ ගියේ අවුරුදු 2 කින් විතර.ඒත් ඒ අක්කට ඕක මතක තිබිලා!මට එදා නම් තියාගන්නමයි කියලා දුන්නා.ඒත් මගෙන් ඕක 'ටිකකට කියවන්න' කියල ඉල්ලගත්ත මගෙ නෑදෑ අයියා කෙනෙක් පොත නැති කලා.අපරාදෙ

හැම යක්ෂණියක්ගෙම නහය දිගයි තියෙන්නේ රාක්කයක් උඩ, නියපොතුත් දිගයි ඔය වගේ හැමෝටම පොදු ලක්ෂණ තමා තියෙන්නේ.

ඉතින් අම්ම මොකෝ කිව්වේ, වසීලිස්සා හොයනවා කිව්වම . අනේ පුතේ සිංහල කෙල්ලෙක් හොයා ගනින් කිව්වේ නැද්ද?

ඉස්සර අපි ගාව තව සෝවියට් පොත් ගොඩක් තිබ්බා. දැන් නම් ඒවා නැහැ. ඒවායේ පින්තූර එහෙමත් හරිම ලස්සනයි.

මහාමාරියා නම් මාත් මාසයක් විතර කියෙව්වා බන්. ඒක ටිකක් කම්මැලී. මට ඕකේ අනික් පැත්ත මන් ගන්නවා අනික් අය කියවනවා. තව බැනුම්නුත් අහනවා පොත් වලට සල්ලි වියදම් කරනවා කියලා.

මන් හිතන්නේ දැන් රාදුගා ප්‍රකශන පොත් එන්නේ නැද්ද මන්දා. මන් දැක්ක පොතත් මන් ගාව තියෙන එක වගේ හොඳ නැහැ.

හැබැයි ඔයා ගාව තියෙනවට වඩා පන්සලේ පුස්ථකාලේ තියෙන එකෙන් අනික් අයත් ප්‍රයෝජනයක් ගනී

අපරාදේ දැන් නම් ඒ වගේ පොතක් හොයා ගන්න බැහැ. තියා ගන්න තිබ්බේ පරිස්සම් කරලා ඊලඟ පරම්පරාවට දෙන්න

මේ පොත මට කියවන්න නම් ලැබිල නෑ.. හැබැයි ඔයා වගේම පොඩි කාලෙ හොර ලෙඩ අරන් ගෙදරට වෙලා මේ පොත කියවපු කෙනෙක් නම් දන්නවා... එයා කිවුව හැටියට නම් මේක බොහොම අපූරු සුරංගනා කතා පොතක්.. කියවන්න ඕනෙ.....

ඒ කාලේ මන් ඉස්කෝලේ යනවට වඩා හිටියේ ගෙදර. ඉතින් සුරංගනා කතා බල බල හිටියා. ඔළුවේ කැක්කුම්, බඩේ අමාරු හැමදාම

This comment has been removed by the author.

මට ඔය පොත කියවන්න ලැබිලා නෑ. කවද හරි කියවන්න ලැබෙයි කියල හිතෙනවා.

කලින් කමෙන්ටුව පොඩ්ඩක් වැරදුනා.

උඹට නම් මේ පොත කියවන කාලේ දැන් පැනලා මගේ හිතේ. හැබැයි අරන් තියා ගත්තනම් ඊලඟ පරම්පරාවට කතන්දර කියලා දෙන්න තිබ්බා.

මමත් මේ කතා පොත කියවලා තියෙනවා
ඉස්සර අපේ ගෙදරට උඩහ ගෙදර අක්කා ඔය පොත එයාගෙ යලුවෙක්ගෙන් ඉල්ලන් ඇවිත් එලියෙ සෙල්ලන් කරන්න බැරිවෙලාවට අනිත් ලමයිනුත් සේරම වටකරගෙන එක එක කතාව මහා හයියෙන් කියවනවා... අපිත් කටවල් ඇරගෙන අහගෙන ඉන්නවා...
ස්තූතියී ආයෙත් ඒ කාලෙ මතක් උනා

ඇත්තටම ගොඩක් රසවත් දෙවල් සිද්ධවෙලා තියෙන්නේ ඒ කාලේ. දැන් ඉතින් වැඩ විතරයි

මගේ ප්‍රියතම සුරංගනා කතා පොත. බාබායිගා යකින්නයි බිරියෝසා ගහයි ඉවාන්ල ගොඩයි.

බාබයිගා යකින්නත් සෑහෙන බොන ගෑනියෙක් මට මතක විදිහට. කුකුල්ලො ඌරො සෑහෙන ගාණකට වග කියල රා පීප්ප හත අටක්ම බොනව.

අපොයි ඔව්, පුදුම කෑමක්, කුකුල් පැටවු 40, ඌරු පැටවු, හරකෙක්ගෙන් බාගයක් කාලා. රාත් බොනවා පීප්ප ගානක්

මට ඕක තාත්තා ගෙනත් දුන්නෙ 2 වසරෙදි... ගනකම කවරෙ තියෙන පොත තමා මා ගාවත් තියෙන්නෙ. හැබැයි දැන් අර ගනකම් කවරෙට උඩින් දාල තිබ්බ් කඩදාසි කවරෙ නෑ - ඒක ඒ දවස්වලම ඉරිල ගියා. මතක හැටියට ඒ කඩදාසි කවරෙ තිබ්බෙ අර වසිලීස්සාට මුණගැහෙන අසරුවොන්ගෙ චිත්‍රයක්...
ඔය වගේම තව පොතක් තියෙනව මං ගාව 'රස කතා' කියල...වසිලීස්සා පොතේ මම කැමතිම සහ තාමත් මතක තියෙන කතා කිව්වොත් 'නුවණැති රාජාලියා', 'ඉවාන්ලා හත් දෙනා', 'රිදී පීරිසිය සහ රත්තරන් හදවත' වගේ ඒව තමා. :)

මගෙ පොතේ නම් තාම ඒ කවරෙත් තියෙනවා. හැබැයි ගොඩක් ඉරිලා ඒත් ඒක තාම තියාගෙන ඉන්නවා ලෝබ කමට.

මේ සටහන දැකපු ගමන් දුවගෙන ගිහින් බැලුව පොත තාම තියෙනවද කියල. තිබේ තිබේ! :D මුල් ම පැරනිම මුද්‍රනය. කවරයේ ටිකක් මීයො කාල. ඒත් පොත හොඳ මට්ටමේ තියෙනව.

මට මතක හැටියට අපේ අසල්වාසී ගෙවල්වල හැම ලමයෙකුටම වගේ එයින් පොතක් තිබුනා. ඒක එක්තරා විදිහක අභිමානවත් දේපොලක් ඒ දවස්වල.

මේ නැති රටට ගිහින් නැති දේ ගේන්න කියන උපුටනය නිසා තවත් දෙයක් කල්පනා වුනා. හැබෑට ම දැන් මේ පොත ගහපු රටත් නෑ නෙ. නැති රටට ගිහින් නැති දේවල් ගොඩක් හොයාගන්න වෙන කාලයක් දෝ මේක කියලත් මට නිතර හිතෙනව...

ස්තුතියි මේ ගැන ලිව්වට.

පිට කවරේ පොඩ්ඩක් සවුත්තු උනත් පරිස්සම් කරලා තියා ගන්න වටිනවා. ඒ කාලේ තව ගොඩක් රුසියානු පොත් තිබ්බා. මේ වගේ ලස්සන පිතූරත් එක්ක. දැන් නම් දකින්නවත් නැහැ. මන් හිතන්නේ ඒ ගොඩක් ඒවා රාදුගා ප්‍රකාශන.

මම මේ පොත කියවලා නෑ.. හැමතැනම හෙව්වත් ගන්න හම්බ වෙලත් නෑ... :(

මන් දැක්කා නුගේගොඩ සුපර් මාකට් එක ඉස්සරහ පේමන්ට් එකේ තියෙන පොත් කඩේ තියෙනවා. හැබැයි ඒක එච්චර ලස්සන නැහැ පරණ පොත වගේ

මා ළඟත් ඔය පරණ පොතම තියනවා. මන් මේ පොතේ හැම කතාවකටම හරි ආසයි. මේකෙ දිගම කතාව නීල කොබෙයියා. මං ආසම චරිතයක් තමයි නවුම් මස්සිනා. එයා කන විදියට කටට කෙළ උනනවා. ඒ වගේ මටත් නොපෙනී යන්න පුළුවන් වුණානම් දෙන ගේම්ස් ගැනත් මං හීන මැව්වා...

තව මං ආසම කියමන තමයි " රෑට නැති නුවණ උදේට පහළ වෙනවා " කියන එක. මාත් සමහර වෙලාවට පාඩම් කරන්න කම්මැළි හිතුණම ඔය කියමන හිතට අරගෙන නිදාගන්නවා:D දැන් වුණත් මං එහෙම හිතනවා...

ස්තූතියි මරණෙ සුන්දර මතකයක් අවදි කළාට...

හත් පෙති මල, චිං චිං ගේ ලෝකය, වැඩ බැරි දාසගේ කතා, අයෝගා, වීර කුහුඹියා, මැජික් පින්සලේ කතාව, ටෙලිෆෝනය, සත්තු වත්ත, සුහද සිනාව, ටිකිරි කුමරුව, රන් පොරව, වඳුරෝ හඳ ඇල්ලූ හැටි, පුංචි රවුම් බනිස් ගෙඩිය, පෙතිකුඩ දොස්තර, වෘකහාමිගේ සාදය, ජබුඃ ජබුඃ, තාත්තා ඒ කාලෙ අපිට ගෙනත් දීපු ඒ වගේම පොත් ටිකක්. මේවයින් ගොඩක් ඒව තාමත් සුරැකිව තියනවා...

තව පොත් ගොඩක් බැලුවා ඒත් ඒවායේ නම් මතක නැහැ. වැඩ බැරි දාස නම් අහලා තියෙනවා මතක නැහැ කතාව

මමත් මේක කියවල තියෙනව, ඒත් මටම කියල තිබුනෙ නෑ, තාත්ත මට ගෙනෙල්ල දීපු පූසෙක් ඉන්න යූෂ්කා කියන එකයි ලස්සන රතු වද මල කියන පොතයිනම් මගේමයි , හරිම ලස්සන කතා. මට දැන් දුවට අරගෙන දෙන්න හෙව්වට හොද කොපියක් හමබ උනේ නෑනෙ.

දැන් නම් පරන පොත වගේ හොඳ මුද්‍රණයක් හොයා ගන්න නම් බැරිවෙයි මන් හිතන්නේ.

Lassana Wasilissa wage anith soviet poth original print eken ganna puluwan ekama thanai thiyenne. Nawala Rajagiriye Kurulu Prakashakayan langa. Kandy wala book fair eken mama hitha pirenna e kurulu pihatu gaththa. sathuta wadi kamata mama pissu hadennath awa.awrudu ganak hoyala e poth hamba une.

මේ දවස්වල නෙළුම් විලේ රුසියන් පොත් ගැන කතා වෙනවා. ලස්සන වසිලිස්සා මගෙත් ප්‍රියතම පොතක්. ඒත් දැන් තියෙන්නෙ කළු සුදු චිත්‍ර සහිත බාල පොත් තමයි.
රෑට නැති නුවණ උදේට පහළ වෙනවා වගේ වැදගත් කියමන් අල්ලගත්තෙ ඕකෙන් තමයි. :D

නලිනි ඔය sun shine දාලා තියෙන කමෙන්ට් එකේ තියෙන Nawala Rajagiriye Kurulu Prakashakayan ගාව තියෙනවා පරණ පොත වගේම නව මුද්‍රණයක්

mama oya potha hama thanama hoyanawa , aluthen print karala thiyana pothanum thiyanawa , eth eke kisima mayakari bawak na , Nawala Rajagiriye Kurulu Prakashakayan laga potha thiyanawa kiyanne athtahda , :D mama ehenum awilla gannawa ,mata oya potha ,man podi kale kiyawapu widiyatama labenawanum mama lankawe kelawaratama unath enawa, mokada e potha kiyanne mage sundara punchi kale , thanks

මම ගාවත් ඔය පොත තියනව. හරිම ලස්සන පොතක්. මම එක පරිස්සම් කරල අරන් තියල තියනව. මම වෙලවක ඔකෙ කත ඔක්කොම ස්cඅන් කරල උප්ලොඅඩ් කරන්නම්

මම ගාවත් ඔය පොත තියනව. හරිම ලස්සන පොතක්. මම එක පරිස්සම් කරල අරන් තියල තියනව. මම වෙලවක ඔකෙ කත ඔක්කොම ස්cඅන් කරල උප්ලොඅඩ් කරන්නම්

මම ගාවත් ඔය පොත තියනව. හරිම ලස්සන පොතක්. මම එක පරිස්සම් කරල අරන් තියල තියනව. මම වෙලවක ඔකෙ කත ඔක්කොම ස්cඅන් කරල උප්ලොඅඩ් කරන්නම්

මාගාවත් තියනවා ඔය පොත අපේ තාත්තා පොඩි කාලේ කියවපු පොතක් ...අනිත් පොත් වලට වැඩ ඔය පොතේ අනේ මන්ද්දා මොකක්දෝ තේරෙන්නේ නැති විශේසත්වයක් තියනවා ..දුකේ බෑ අනේ පොතේ පිටු ටිකක් මියෝ කලා එකේ පිටුවක් තිබුන අකුරු කන පිට වැදුණු ඕක මම කියේඋවේ මුණ බලන කන්නාඩියක් පොතට හරවලා

Dear All,

Visit this site for Russian books.

http://dl.dropbox.com/u/78908265/index.html

Take Care!
Charaka



හරිම ලස්සන පොතක්...මම පුංචි කාලේ කියෙව්වේ මුල් පිටපත වෙන්න ඕන..පිටකවරය හරිම ලස්සනයි....ඒ කලේ නම් මට ඒක හරිම ලොකු පොතක්...මුල් පිටපත දැන් හොයා ගන්න නෑ....නව මුද්‍රණය නම් මේ ලගදිත් කියෙව්වා...මුල් පිටපතේ ගුණාත්මක බව නෑ කියලයි තියෙන්නේ....ලොකු පොඩි සැමට කියවිය හැකි ඉතාම ලස්සන පොතක්



හරිම ලස්සන පොතක්...මම පුංචි කාලේ කියෙව්වේ මුල් පිටපත වෙන්න ඕන..පිටකවරය හරිම ලස්සනයි....ඒ කලේ නම් මට ඒක හරිම ලොකු පොතක්...මුල් පිටපත දැන් හොයා ගන්න නෑ....නව මුද්‍රණය නම් මේ ලගදිත් කියෙව්වා...මුල් පිටපතේ ගුණාත්මක බව නෑ කියලයි තියෙන්නේ....ලොකු පොඩි සැමට කියවිය හැකි ඉතාම ලස්සන පොතක්

mama gawath oya potha thiyenawa.godak parana ekak.kiyawanna watina niyamama pothak.mama hithana widiyata 30 or 40 years parana athi.ISBN 5-05-000908-1 mama thamath eka kiyawanne asawen.kiyawanakota wenama lokeketa yanawa.eth mage pothe mul pitu keepayakui aga keepayakui na. parana hoda quality pitu okkoma thiyena pothak thiyenawa nam mama keeyakata unath gannawa.

mage potha raduga prakashana.asaruwo 3nek inna ganakam kawarak thiyenne.thamath hondata thiyenawa.eth 18 weni pituwe idala 200 wenakam witharai thiyenne.aparade.nathiunu katha keepaya oluwe witharai thiyenne.kauruhari hoda pothak thiyena thanak enawanam matama kiyanda.plz...me blogspot eka hadapu eka nam loku deyak...

aththatama harima lassana pothak.mama ayith e potha ganna oni

aththatama harima lassana pothak.mama ayith e potha ganna oni

For Dinu Andradi,

oyata a kalin thibunu original print eken nam hoyaganna bari wewi.. Dan thiyena poth wala pictures kisima wadak na... thibunu parana poth parissam karaganna thibune.....!