මගේ මරණය

මාත් අද හැඳෑවට මැරතන් දුවන්න හිතාගෙන ඉන්නේ. ඔය ගොල්ලොත් කැමතිනම් එකතු වෙන්න

සෙට් වෙන්නේ... http://embed.mibbit.com/?channel=%23kalinga&server=irc.freenode.net
මැරත්න් බලන්නේ ... http://marathon.sinhalabloggers.com/
දුවන්න සෙට් වෙන අය... admin {at} sinhalabloggers {dot} com වෙත ඔබගේ
බ්ලොග් අඩවිය දැන්නම එවන්න...
Techකතා මැරතන් අතර තුර සජීවීව http://techkatha.com වලින් පැය 24ම
විකාෂය වෙනවා... සිංදුත් අහන්න පුලුවන්, ගැටලු ඉදිරිපත් කර්අන පුලුවන්...

තව තව දේවල් තියනවා... ඇවිත් බලන්නකෝ...... !!!!

හොදටම බ්ලොග් ලියපු කෙනාට හොද තෑග්ගක් දෙනවා මේ සැරේ....

හැමහ්දෙම නවීකරණයවෙලානේ ඉතින් අවුරුදු උත්සව වල තියෙන තරඟත් නවීකරණය වෙලා. ගොඩාක් කාලෙකට පස්සෙ මමත් ගිය අවුරුදු උත්සවයක් බලන්න, ඒක තිබ්බ අමුතුම තරඟයක්. බෝතලේට වලල්ල දාන්න තියෙන්නේ.

රුපියල් 10ක් දීල වලලු තුනක් අරන් ටිකක් දුරින් තියෙන බෝතලේට ඒක දාන එක තමා තරඟේ. එක්කෙනෙකුට ඕනෑම සැරයක් උත්සාහ කරන්න පුළුවන් හැබැයි සල්ලි දීලා වලලු ගන්න ඔනේ. මම වැඩි වෙලා හිටපු නැති නිසා තව මොන මොන විශේෂාංග එකතු වෙලා තිබ්බද කියලා දැක්කේ නැහැ.

මම ගිය එකේනම් තිබ්බේ මෙගා බීම බෝතලයක් ඒත් කෙනෙක් කිව්වා එයා ගිය එකේ තිබ්බේ ගල් බෝතලයක් කියලා ඒකටන සෑහෙන්න පිරිසක් උත්සාහ කලාලු. කොහොමහරි සංවිධායක මණ්ඩලේ හොඳ ගානක් හෙවුව කිව්වා ඒ තරඟෙන් නම්.

අවුරුදු උතසව සංවිධානය කරන උදවිය ඒක කරන්නේත් ගමේ අයගේ ආධාර වලින් ඒ අතරට මේ වගේ තරඟෙකුත් දාල ගානක් හොයා ගන්නවා. දන්සල්, තොරන්, වෙසක් කූඩු, අවුරුදු උත්සව, රණවිරු උපාහාර බැනර්, බංකර මේ හැම එකකින්ම ඉතින් කරන අය බලන්නේ කීයක් හර හම්බ කරගන්න. වැරැද්දක් කියන්නත් බැහැ ඒ මිනිස්සුත් මහන්සි වෙනවනේ.

මේ ටිකේ නිවාඩු නිසා බ්ලොග් ලිපි දෙක තුනක්ම ලිව්වා ඒත් අදින් නිවාඩු ඉවරයි ආයි සුපුරුදු වැඩ දිවිය පටන් ගන්න වෙනවා. ආයි ඉතින් වෙසක් තමා ඒත් මේ පාර වෙසක් සිකුරාදා නිසා එක දවසයි නිවාඩු හම්බ වෙන්නේ.

අවුරුද්ද පටන්ගත්ත දවසේ ඉඳලා අපි බලාගෙන ඉන්නේ නිවාඩු දවසක් එනකම්නේ. මුලින්ම නිදහස් දවස ඊට පස්සේ අවුරුදු, වෙසක් පොසොන් , මැයි දිනේ, නත්තල්. ඔය වගේ මොකක් හරි නිවාඩු දවසක් කැලැන්ඩරේ තියෙනවානම් පෙරුම් පුරාගෙන ඉන්නවා එදා වෙනකම්.

ඒත් නිවාඩු දවස් වැඩකරන දවස් වලට වඩා ඉක්මනින් ගෙවිලා යන්වද කොහේද .පහුගිය දවස් හතර ගෙවිලා ගියා දැනුනේවත් නැහැ ඒත් ඉස්සරහට තියෙනවා වැඩකරන දවස් හතර ගෙවෙන්න ගොඩ කාලයක් යාවි

ජනවාරි පළවෙනිදට අපි සුභ නව වසරක් වේවා කියනවා අප්‍රේල් 14 සුභ අළුත් අවුරුද්දක් වේවා කියනවා. අළුත් සහ නව කියන්නේ එකම තේරුම ආවත් මේ දවස් දෙකේදි ඒක මටනම් තේරුම් දෙකක්.

ඉස්සරනම් අවුරුදු එනවට හරිම කැමතියි. මොකෙ නෑදෑ ගෙවල වල ගිහින් බුලත් දුන්නම බුලත් කොලේක ඔතලා සල්ලි කීයක් හරි හම්බ වෙන නිසා. ඒත් දැන් ඒකෙ අනික් පැත්ත. දැන් මන් වැඩිහිටියෙක්ම නොවුනත් පොඩි එකෙක් නෙමෙයි, මට පහලින් තවත් පරම්පරාවක් බිහිවෙලා ඉතින් එයාල බුලත් දුන්නම මට බුලත් කොලේක ඔතපු කීයක් හරි දෙන්න වෙලා ඒක නිසා දැන් අවුරුදු එනවා කියනකොටත් බයයි.

අවුරුදු දාට පොලිසියෙන් අල්ලන්නේ නැහැ කියලා මතයක් තියෙන නිසා ඉස්සර කැට ගැහුවා දැන්නම් කැටගහපු කාලයක් මතක නැහැ.

කාලෙකට පස්සෙ නෑදෑයො හම්බ වෙන එකයි, පොඩ්ඩක් වැඩිපුර පෙවෙන එකයි, අතේ තියෙන සල්ලි ටික වැඩිපුර වියදම් වෙන එකයි ඇරෙන්න අවුරුද්දේ විසේසයක් මටනම් නැහැ.

ඉස්සර 10,11 පංතියේ ඉන්නකොට සිංහල සාහිත්‍යට කවි ගැන විචාර ලියන්න උනා ( මන් හිතන්නේ එහෙම එකක් කලා හරියටම ෂුවර් නැහැ ) විමලරත්න කුමාරගම කියන කවියාගේ අයියනායක කියන කවි පන්තිය ගැන තමා ලිව්වේ. ඉතින් ඕක ලියද්දි කවියක් දාල ඒක ගැන අලි බොරුටිකක් ලියන්ව මේකෙන කවියා මේක ගැන හොඳ විස්තරයක් කරනවා වගේ (අපි ලියපුවා ඒ විදිහටම එතුමා හිතුවද දන්නේ නැහැ. මන් ලියාපුවා ගැනනම් හීනෙකින් වත් හිතන්න නැහැ )

මේ දවස්වල ඇහුන සිංදුවක් ගැනත් මට අර වගේ විචාරයක් විචාරයක් වගේ ලියන්න හිතුනා
ඒ සිංදුව තමා මේක ලහිරු පෙරේරාගේ "රම්බරී".
-----------------------------------------------------------------------------------------
ලහිරු පෙරේරා ගායකාගේ විසින් ගයන "රම්බරී"
සිංදුව මේ කාලයට ගැලපෙන ගීතයකි එයින් ජාතික සමගිය ඇතිකිරීමට මනා පිටුබලයක් ලැබෙනු ඇත. වාකරේ ඉන්න අය ගැනත් අම්පාරෙ ඉන්න සහෝදරවරු ගැනත් ඔහු පවසා ඇත

සිංදුවට සවන්දෙන්නා තුල අපේ සහෝදරවරුන්ගේ අහාර ගැන මනා අවබෝධයක් ලබා දීමට ලහිරු සමත් වී ඇත , තන්දූරි චිකන්, පාන් බාගයක් සහ ප්ලේන්ටි ගැන ඔහු මේ ගීතය අසන්නාට පවසන්නේ කටට කෙල උනවන ස්වභාවයෙනි

ලංකාවේ විවිධ පලාත්වල අහාර ගැන සහ වතුර ගැන ලහිරු කියන්නේ මරදානේ පරාට කෑමත් හුම්මනේ වතුර බීමත් ගැනය

අවසානයේ ලහිරු අපට ක්‍රීඩකයන්ගේ ක්‍රීඩා කෞශල්‍ය ගැන මනා අවබෝධයක් ලබාදෙයි. මුරලිගේ දුස්‍රා ගැනත් සනත්ගේ වේගවත් පිතිහරඹයත්, රෙස්ලින් ක්‍රීඩක ජෝන් සීනාගේ ගුටි කෑම ගැනත් අපව දැනුවත් කරන ලහිරු සිංදුව අවසානයේ කිසිවක් නොඇසූවන් බවට අපව පත්කරයි.

------------------------------------------------------------------------------------------

සිංදුවක් ඇහෙනකොට අහන අයට ගතියක් දැනෙනවනම් සහ ඒක කියන මනුස්සයට ඒක විකුනලා කියක් හරි අතටත් හම්බ වෙනවනම් ඒකේ පදවලින් කිසිම වැඩක් නැහැ මට හිතෙන විදිහටනම්.

ගිහින් බලන්නකෝ සුපුන්නුත් මේක ගැන කියලා තිබ්බ

ඉතින් ඔන්න අපේ මහ ආණ්ඩුවෙන් වෙනදා විදිහටම උදාවන අළුත් අවුරුද්ද වෙනුවෙන් 13,14 සියළුම බාර් වහනව. අද ඉතින් හෙන දිග පෝලිමක් තියෙයි හැම බාර් එකක් ගාවම.

මම නම් කියන්නේ ඔය බාර් වහන වැඩේ කිසිම තේරුමක් නැහැ. මේ විදිහට බාර් වහන එකෙන් වැඩිම වාසියක් වෙන්නේ බාර් කාරයන්ටම තමා. මොකෝ හෙටයි අනිද්දයි උන් බෝතල් විකුනන්නේ වෙනදා විකුනන ගාන වගේ දෙගුණයකට. අනික බොන්න ඕනේ අය අද අරගෙන දවස් දෙකටම හරියන්න බඩු ගෙනිහින් තියාගන්නවා. බැරි උන අය කීය දීල හැරි හෙට අනිද්දට තමන්ට ඕනෙ කරන ඒව හොයාගන්නවා.

අන්තිමේ කෙලෙවෙන්නේ පාරිභෝගික අපිටම තමා. අනික ඉතින් අවුරුදු කියලා විසේසයෙන් බොන්න ඕනේයෑ ඔය තියෙන වෙලාවක හිමීට බොන්න බැරියෑ.

ඒ අතින් නම් සිංහල මිනිස්සු හරි මෝඩයි අවුරුදු කියලා අතේ තියෙන සල්ලි ටික සේරම දවස් දෙකට වියදම් කරලා මාසෙ ඉතුරු ටික වේලෙනවා

ඉතින් හැමෝටම සුභ අළුත් අවුරුද්දක්!!!!!

කවුරු පත් උනත් මම අයිතිවෙන බස්නාහිර පළාත්සභාව තියෙන තත්වෙට වඩා වෙනසක් වෙන්නේ නැහැ කියලා මන් නම් හොඳටම දන්නවා. ඒත් මේ ඡන්දේට අපේක්ෂකයෝ වියදම කරන විදිහ දැක්කම පුදුම හිතෙනවා.

පළාත්සභාව කියන්නේ එච්චර වියදම්කරලා යන්න තරම් වටින කියන තැනක්ද මන්දා. කොහේද මන්දා තිබ්බ එක අපේක්ෂකයෙක් ඡන්දෙට මිලියන 150 ක් වියදම් කරනවා ඒත් පළත්සභාවෙ සෞඛ්‍ය අමාත්‍යන්ශෙට අවුරුදු 4ට වෙනක් කරන්නේ මිලියන 80ක් කියලා.

මේ තනතුරු 102 ට ප්‍රධාන පක්ෂ දෙකෙන් අඩුම ගානෙ 200 දෙනෙක් වත් ඉල්ලන්වා මේ එක්කෙනෙක් අඩුම ගානෙ රුපියල් මිලියනයක් වත් වියදම් කරනවා එතකොට ඡන්දේට මිලියන 200ක් වියදම් කරන අය පත් නාම මිනිස්සු වෙනුවෙන් නම් සතපහක් වියදම්කරන්නේ නැහැ .

මම උදේ හවස යන පාරේ ඉස්සර තිබ්බ මාලු කඩ, ලී මඩු, තෙල් මොල්, අතෑරපු සිල්ලර බඩු කඩ, ලී මෝල්, ගරා වැටුණු නිවාස වගේ සේරම මේ වෙනකොට මැතිවරණ කාර්යාල වෙලා. සේරම ඉතින් ආණ්ඩු පක්ෂේ. මේ මිනිස්සු නිකම්ම මේවා හදන්න දෙන්නේ නැහනේ ඡන්දෙන් පස්සෙ මොකක් හරි වැඩක් කරගන්න බලාගෙන තමා සේරම දිනන අයට උදවු කරන්නේ ඉතින් මේ තියෙන කාර්යාල ගානෙ හැටියට ඡන්දෙන් පස්සෙ දිනන මිනිහට වෙන වැඩක් කරන්න වෙන එකක් නැහැ උදවු කරපු අයට සලකනවා ඇරෙන්න.

මොන පක්ෂේ උනත් කමක් නැහැ හන්දියේ බාර් එකට සංස්ථා අරක්කු විකුන්නන් බලපත්‍රයක් දෙනවානම් මන් එයාට ඡන්දේ දෙනවා.

ඇල්කොහොල් වලට ජයවේවා!!!!!