මගේ මරණය

ඔබ මෙක කියවනවද??
එහෙනම් මරණය හමු වේවි කවද හරි.
එසේනම් මැරෙනකම් ජීවත් වෙන මා සමග රැඳෙන්න.
මරණය හමුවෙන තුරා!!!

මන් වැඩියම ඉංග්‍රීසි සිංදු අහන කෙනෙක් නෙමෙයි ඒත් ඉතින් ඉඳලා හිටලා අහන්නේ නැත්තේම නැහැ.  50 Cent ගේ In Da Club වගේ සිංදුවක් අහලා නටන අය මේකේ මේ තියෙන වචන ටිකම සුද්ද සිංහලෙන්ම කිව්වොත් මොනා කියයිද අපෝ මොන ජරාවක්ද, හරිම Third Class Song එකක් වගේ දේවල් ගොඩක් කියයි. මීට වඩා බරපතල විදිහට ඉංග්‍රීසි කුණුහරප පිරිච්ච සිංදු ඇති ඒත් මන් වැඩිය අහන්නේ නැති නිසා ඒවා ගැන වැඩිය දන්නේ නැහැ.

මට තියෙන ගැටළුව තමා කුණුහරප කියන ඒවා කුණුහරප වෙන්නේ ඒවා සිංහල උනාම විතරද කියන එක. එකපාරක් අපේ නෑදෑ ගෙදරක ආපු මල්ලි කෙනෙක් ආපු වෙලේ ඉඳන් කියන හැම වචනයක්ම කිව්වේ එෆ් අකුරෙන් පටන් ගත්ත විශේෂන පදයක් මුලට දාලා. එතන හිටපු ලංකාවේ කාටවත් ඒක ගානක් උනේ නැහැ ඒත් එයා ගියාට පස්සේ පිට රට ඉඳලා ආපු මගේ ඥාති සොහොයුරියක් විතරක් කීවේ ඇය ඔහුට පොඩ්ඩක්වත් කැමති නැති බව සහ එයට හේතුව වුයේ ඔහු කුණුහරප කීමත් බවය. මට මගේ ජීවිතේ ඉංග්‍රීසි කුණුහරප , කුණුහරප ලෙස සැලකූ කෙනෙක් මුන ගැසුනු එකම අවස්ථාව ඒක විතරමය.

අපේ අය ගොඩ දෙනෙක් බොහොම ප්‍රසිද්ධියේ බෝහොම උජාරුවෙන් ඉංග්‍රීසියෙන් කුණුහරප කියන්වා ඒත් බැරි වෙලා හරි සිංහලෙන් ඔය වචනයක් කිව්වොත්, කියපු එකා දිහා බලන්නේ මහා අපරාධයක් කරපු කෙනෙක් දිහා බලනවා වගේ.

මන් හිතන විදිහටනම් කුණුහරප කියන ඒවා මොන බාසවෙන් කිව්වත් ඒවා කියන කෙනා ඒ ගැන ආඩම්බරයට නෙමෙයි ලැජ්ජාවට පත් වෙන්න ඕනේ. මොකද කුණුහරප කියන්නේ කුණුහරප වලට නිසා

22 අදහස්:

හැබැයි In da Club සිංදුව නම් පට්ට.. මරු බීට් එකක් තියෙන්නෙ :D

100% ඇත්ත සහෝ!

ඒක හැබෑව. මන් හිතන්නේ බන් කුණුහරප දාන්න දාන්න අහනකොට අපිට නැටවෙනවද කොහෙද

සිරාම කතාව.
මරණේ උඹ එක්ක සෙට් වෙලා "වයිට් රම්" පාරක් හරි "ඕල්ඩ් රිසර්ව්" පාරකට හරි සෙට් වෙන්න හරිම ආසයි මචං...

ජයම වේවා...

හැම කුණුහරුපයක්ම තියෙන්නෙ අපේ ඔලුගෙඩි වල තමයි. ඒ මොනව කිවුවත් ඉතින් දේශීය බසින් අමතන කුණුහරුපයක් තරම් වදින්නේ නැහැ කඩ්ඩෙන් බනිද්දි.

එළ එළ, කොහොමත් කමු බොමු එකේ සෙට් එක එක්ක, කට්ටිය දවසක සෙට් වෙන්න ඕනේ බන්

කොයි බාසාවෙන් කිවුවත් කුණුහරුපනම් එකම හරුප තමා....... ඒත් ඉතින් ඕක සැරට දැනෙන්නෙ සිංහලෙන් කිවුවමනෙ... ඒක වෙන්න ඇති වෙනස.....

ඇත්ත ඇත්ත

උන් උන්ගේ අරගලය කරන විදිය මචං! අපි දන්නවනේ ඇමරිකාවේ සුදු කළු භේදය එහෙම!

100% ඇත්ත

අනේ මම නං ඔය හැම හුකක්ම කියන්නේ සිංහලෙන් තමයි!

"කුනුහරප" ඇයි ඔය තරම් පිලිකුල්. "කුනුහරප" වල හොදක් ඇත්තෙම නැද්ද. මව් භාශාව හැර වෙනත් භාශාවක් ඉගනීමේදී ලෙහෙසි සහ පහසු ම "කුනුහරප" වචන ඉගනගැනීම. තමන්ගේ කේන්තිය ප්රකාශ කිරිමේ පහසුම ක්රමයත් "කුනුහරප" භාවිතය. එක් තරා ඇමරිකානු ජනාධිපති වරයෙකුගේ බිරිය හා අනියම් සම්බදතාවක් ඇතිකර ගැනීමට , එක් ඇමරිකානු පුරවැසියෙකුට හැකිවුනේත් , ...ඔය වචනම තමා.

මටත් පසුගිය වසරේ , ඇෆ්ගනිස්තානයේ සිට ගෙදර පැමිනීමේදී ,"එමිරේට්ස්" ගුවන් සේවිකාවකගෙන් විශේශ සැලකිලි ලැබුනේද , ඔය වචන නිසාම තමා

ඕවට අකමැති කැත හිත් තියෙන අය මටනම් හිතෙන්නේ

ප්‍රකාශන ගුණය සැලකුවාම කුණුහරුපයකින් වෙනත් වචන ගානකින් කියන්න බැරි දෙයක් සන්නිවේදනය කරන්න පුළුවන්. අනික තමා මේ තහංචි කලාප නිසා අහන අය සලිත වෙන එක. ඔය එෆ් වචනේ නම් කනවා බොනවා වගේ නිතර පාවිච්චි වෙනවා දන්න අය අතර. හිතවත් කම හොඳින් මනින්න පුලුවන් මිම්මක් තමා කුණු හරුප.

"ඒත් ඉතින් ඕක සැරට දැනෙන්නෙ සිංහලෙන් කිවුවමනෙ... ඒක වෙන්න ඇති වෙනස..... "
සුද්දෙක් සුද්දට උන්ගේ භාෂාවෙන් කුණුහරුපෙන් බැන්නාම අපි කෙනෙක් අපිට අපේ භාෂාවෙන් කුණුහරුපන් බැන්නාම ඇයි වෙනසක්?

අනේ මන්දා.. දැන් ඒක මාර trend එකක් වෙලා නේද?

එක දවසක් අපේ අයියාට 11 වසරේදී ඉංග්‍රීසි මිස් බැනලා තිබුනා..! මිනිහා ගෙදර ඇවිත් කියනවා අද මාර වැඩක් උනා නේ ඕයි.., අපේ ඉංග්‍රීසි මිස් බැන්නනේ මට මම කෙඩෙටින් කරනවා කියලා..! විනාඩි 15 විතර බැන්නා..!
එතරම් අවුලක් උනේ නැහැ කෙඩෙටින් කෙඩෙටින් කියනවා විතරයි තේරුනේ..!
මේ පෝස්ට් එක කියවද්දී මට මතක් උනේ ඒක..! [ මේකට සම්බන්ධයක් නැතත් ]
මට කියන්න උවමනා උනේ මේකයි..! කොහොමත් ස්වභාශා වලට වඩා පරභාශා වලට ඕනේම ස්වදෙශිකයෙක් සංවේදී වෙනවා අඩුයි..! ඒ හැටි..! ඒ බව තේරෙනවා නම් ඒ අතලොස්සක් පමණයි..! ඒත් තම භාශාවෙන් ඒ වචනෙම කිව්වොත් ඔය හැමදනාම දන්නවා නේ කොහොමද ප්‍රතික්‍රියාව කියලා...?
වටින ලියමනක් ..!
ජයෙන් ජය..!

හරි කතන්දරේ... අද හැබැයි සුද්දාස් ටන්ග් එකෙන් මයි සෙල්ෆ් රචනාවක් ලියන්න බැරි එකාත් හරිම උජාරුවෙන් F*** off කියලා කියනවා. ඒක හීනමානය නැත්නම් ඇරියස් කවර් කරගැනීමක් කියලා අර්ථ දක්වන එක වැරදි නැහැ.

කොහොමවුනත් මම හැමදාමත් කියන දෙයක් තමයි ෂේඩ්ස් දෙකක් කඩෙන් ගන්න පුළුවන් වුනාට ඒකී ස්ටයිල් එක සල්ලිවලට ගන්න බැහැ කියන එක. මේකත් ඒ වගේ. අපේ සහ යුරෝපියානු ජන විඥානය සහ සංස්කෘතික අනුභූතීන් වෙනස්. එතකොට කුණුහරුපයක තියෙන බර විතරක් නෙවෙයි, ස්ටයිල් එකත් සහමුලින්ම වෙනස් වෙනවා.
කොහොම වුනත් කුණුහරුප කියන්නේ කුණුහරුප. විදෙස් බාසාවක කුණුහරුපයක් ඉගෙන ගත්තාට කමක් නැහැ. කුණුහරුපයක් කියන්න ඕනම වුනු වෙලාවක තමන්ගේ මව් බාසාවෙන් කියලා දාන්න...ඕනම භාෂාවක Slangs සහ කුණුහරුප තිබෙනවා. ඒකත් ස්ංස්කෘතියේම කොටසක්.

අවවාදයයි: තැන නොතැන නොබලා(බවලතුන් ඉන්න තැන්වල සහ...)කුණුහරුප කීමත්, අවශ්‍ය තැනදී කුණුහරුප නොකීමත් අනුමත කරනු නොලැබේ. :)

මෙහි සාවද්‍ය විග්‍රහයන් ඇතොත් නිවැරදි කරත්වා...

This comment has been removed by the author.

කොහොම උනත් කුණුහරුපයක තේරුම නැතුව ඒකෙ impression එක ගැන හිතුවොත් ඉංග්‍රීසි ඒවා බොහෝ දුරට defensive හා අප්‍රසාදය පළකිරීම වගේ උනාට සිංහල ඒවා සැරට offensive. ඒකයි සිංහල එකක් කිව්වහම හොඳට වදින්නෙ.

athdekala thiyana widiyata kiyanney... ingreesi mau bhashawa wena ratawala kunuharupa kiyala salakana wachana ho prakasha walin ee minissuntama danena sanwedanaye barapathala thaawa, sinhalen sinhala minissunta kunuharupayak kiwwama ee minissunta danena sanwedanaye barapathala thawata wada adui. udaharanyak widiyata un "oh F word!" liyala kiyanawa api "mala keliyai" kiyana arthayen. ithin "mala keliyai" kiyana eka maha darunu naraka wachanayak neweiney.

Therunada manda!

මට කීප අවස්ථාවකම හිතිච්ච දෙයක් මේ සහොදරය වචන කරල තියෙනව.impression,expression මොකක් උනත් කුණුහරුපය කියන එක අසහ්‍ය දෙයක් විදියට නෙ අපි සලකන්නෙ.50cent ගෙ විතරක් නෙමේ,අපේ රටේ උන්දැලත් සිංදු වලට ඔන තරම කුනුහරුප දාල රැප් කරල තියනව.පිට රටවල් වලට කොහොම අදාල උනත් අපෙ රටට සංස්කෘතිය කියල එකක් තියෙනවනෙ,ඒ නිසා ඒක අපේ රටෙදි ගැලපෙනවද කියන එක හිතන්න ඕන දෙයක්,එක එහෙ අයට ගාණක් නැ සාමාන්ය දෙයක් නිසා,අපෙ රටට ගාණක් නෑ තෙරෙන්නෙ නැති නිසා.ඒ නිසා කුණුහරුපයක් සිංදුවක තිබ්බොත් ගාණක් නැතුව නටනව,කියනව ඇහුනොත් උජාරුවට අහන් ඉන්නව.අපේ භශාවවත් අපි හරියට දන්නෙ නැතිකොට,මෙව නොතෙරෙන එක අහන්න දෙයක් ද,ඒත් ඔව මේ රටේ සමාන්ය දෙවල් බවට පත් කල ලොකු උදවිය නම් නොදැන ඔවා කලා කියන්න අමාරුයි.

Bloggers.com - Meet Millions of Bloggers